Gin kwestyon ni House Deputy Speaker ngan Iloilo Rep. Janette Garin an pira nga alokasyon nga pondo han Department of Health (DOH) para ha masunod nga tuig.
Durante han deliberasyon han House Committee on Appropriations ha proposed budget han DOH, pira ha mga ginsukna ni Rep. Garin an alokasyon nga P1 billion para ha pagpapahusay han mga opisina han ahensya, an P478 million research fund para ha DOH, ngan an plano nga P10 million nga donasyon ha World Health Organization (WHO) ha sulod han upat katuig.
Iginduon han magbabalaod nga kinahanglan magamit partikular na an pondo para ha pagpapahusay han mga opisina han DOH ngan WHO grants para ha patient care ngan mga subsidiya para ha universal health care program o makag-hire hin mas damo pa nga doktor ngan nurses.
Pero gin klaro hine nga dire niya ginki-kwestyon an desisyon han sekretarya nga maghatag hin donasyon ha WHO pero iginpunto ni Garin nga mas kinahanglan ine han mga ospital ha nasud ngan para ha pagpapatuman han Universal Health Care Program.
Ha parte naman ni Sec. Herbosa, igpapaumaya na daw ha wisdom han Kongreso an pag-realign han mga pondo pero igin eksplikar gihapon hine nga ira pag-aadman kun patiunan-o ig re-realign an nakaplano nga pondo para ha research mahitungod ha mga pag-aaram nga daw naka-programa na pira katuig na an nakalalabay.
