TACLOBAN CITY – Illegal nga droga an ginkikita nga motibo han mga kapulisan han nanabo nga pagsunog han duwa nga lawas ha Baranggay Balinsasayao, Abuyog Leyte dida la han bulan han Enero.
Ginkilala an mga biktima nga hira Bernardino Remolador, 44, ngan an ka live-in hini nga hi Jennifer Mahinay Corsiga, 25.
Ginkompirma ni PNP8 Regional Director Elmer Beltejar, nga tagatago han karikohan han namatay nga Drug Lord nga hi Egay Alvarez an usa ha mga ginsunog.
Hi Egay Alvarez in usa ha gin ngaranan ni Kerwin Espinosa nga umano in nagin supplier hini ha Eastern Visayas nga napatay naman didan Agosto 2016 matima umato han sirbihan hin search warrant han mga kapulisan han CIDG-8 ha Abuyog Penal Colony ha pangunguna ni PSupt Marven Marcos.
Sumala pa kan Beltejar nga hi Corsiga in anak han usa nga inmate ha Abuyog Penal Colony nga may kaso nga murder.
Una dinhi han marekober han mga kapulisan an sunog na sunog na nga patay nga lawas han usa nga Toyota Avanza 2008.
