-- Advertisements --
TACLOBAN CITY– Ginpahibaro han Bureau of Fire Protection Tacloban, nga yana nga adlaw in nagkamayda an mga ine hin zumba ha may Plaza Rizal, ngan sugadman frisbee, para hiton mga BFP personnel.
Sumala kan SFO1 Lorlie Daiz, Chief, Community Relations Unit, ine in linya la gihapon han ira selebrasyon han Fire Prevention Month yana nga bulan hiton Marso.
Mababaruan nga an bug-os nga bulan hiton Marso, in puno hiton mga aktibidadis, sugad hiton pag-edukar ha publiko kun anu ka-importansya an pagigin mahirot ngan kun pati-unano makakalikay ha sunog.
Ginmalatumat hine nga ha maabot nga petsa 31 hiton Marso, pagdudumaraon naman an ira culmination program para hiton paghuhuman han Fire Prevention Month.
