Ginpahayag ni Senate Minority Leader Juan Miguel ”Migz” Zubiri an iya suporta ha dugang nga pondo para ha Department of Agrarian Reform (DAR) para ha national budget hine ha 2026.
Gindayaw han ahensya na malinampuson nga panhatag han tuna nga suporta ha mga parag-uma.
Ha pagdungog han Senado kasumpay ha panukala nga budget han DAR, ginmalatumat ni Zubiri nga takos an departmento para ha pagtapod han mga parag-uma mahitungod ha consistent hine nga gindudumara ha serbisyo.
Tikang han Hulyo 2022 kutob Agosto 2025, nakapanhatag an DAR hin sobra ha 242,000 nga mga titulo hin tuna kadungan an pag-isyu han sobra 401,000 nga debt donation certificates, nga nakaglibre ha 322,000 nga parag-uma tikang ha P41 billion nga utang ha tuna.
Labot pa hine, naipatukod gihapon an 213 irrigation system tikang ha 344 farm-to-market roads nga subay ha survey han Commission on Audit (COA) hadton 2024 in nakabulig ha paghitaas han kita hin 93.65% han mga parag-uma ha Bukidnon.
Kasumpay hine, syahan na nga ginhangyo han DAR an P28 bilyon nga pondo ha 2026, pero an naaprubahan la han Department of Budget and Management (DBM) in P17 billion la, nga posible daw makaapekto ha mga programa han ahensya sugad han parcelization han collective land titles.
Gin sukna gihapon ni Zubir an kakulangan han pondo labi na ha Bukidnon, ngan nanawagan nga dugangan an pondo han DAR kumo ”Money well spent.”
