Mas mapapagastos an mga motorista yana nga semana mahuman ig anunsyo han mga fuel retailer dida han Lunes an panibag-o nga pag hitaas hin presyo han mga produkto nga petrolyo.
Ini an ikalima nga sunod-sunod ka semana an paghitaas han presyo han gasolina, ngan ikakaduha para ha diesel.
Subay ha Department of Energy (DOE), maghihitaas an mga retailer hin presyo kada litro hin:
Gasolina — P1.60
Diesel — P1.96
Kerosene — P1.45
Magigin epektibo an mga bag-o nga presyo yana nga adlaw han Martes, Mayo 26, 2026.
Siyahan na nga gin bana-bana han usa nga source tikang ha industriya nga mahitaas hin subra P1 kada litro an presyo han mga produkto nga petrolyo yana nga semana mahitungod han nagpapabilin nga mahugot nga suplay tikang ha world market.
Dugang pa hini, posible mahibalhin ha iba nga rehiyon an suplay tikang ha Asya mahitungod ha naibanan nga produksyon ha Europa.
