Naglunsar hin pag-atake an Russia gamit an makusog ngan bag-o nga hypersonic ballistic missile ha Kyiv, nga pumatay hin upat ka tawo.
Ini an usa ha pinakamakusog nga pambobomba han Russia ha Kyiv region tikang han mag tikang an giyera.
Gin klasipika han Amerika an Oreshnik missile kumo usa nga intermediate-range missile, nga akos magdara hin iba-iba nga conventional o nuclear warheads.
An kadagmit ngan trajectory hini in haros diri mapugngan han air defense systems nga may-ada an Ukraine. Ini an ikatulo ka beses nga gin gamit han Russia an mao nga missile.
Sumala kan Ukrainian President Volodymyr Zelensky, lumaprak an missile harani ha siyudad han Bila Treskva ha central Ukraine. Mahitungod hini, gin tawag ni Zelensky an Russia nga waray na ha sakto nga panhuna-huna ngan igin duon nga diri ini papasagdan.
Nahinabo an mag gab-i nga pag-atake ha Kyiv mahuman manduan ni Russian President Vladimir Putin an pag bulos ha deadly attack han Ukraine ha okupado nga teritoryo han Russia.
