TACLOBAN CITY – Padayon la gihapon nga gin i-identipika han mga otoridad an mga pangilal-an han mga yinukot-yukot nga biktima ni Super Typhoon Yolanda nga nakalubong ha mga mass graves mahuman an 11-ka tuig.
Sumala kan Tacloban City Former Vice Mayor Jerry Sambo Yaokasin, nga ha sobra 2,000 nga biktima nga nahipatik dinhi ha siyudad in 22 pa la nga mga lawas an na-identipika ngan natagan hin sakto nga paglubong.
Waray pa dinhi ha ihap an mga biktima ha kahirani naman nga lugar o munisipalidad kun diin, masisiring nga damo pa nga mga lawas an dire pa nakikilal-an.
Ginmalatumat ni Yaokasin nga ha pagkayana in nakukurian iton mga otoridad ha pag-identipika ha mga lawas mahitungod nga haros waray na nabibilin nga DNA ha mga ini nga makakatudlok ha pangilal-an han mga biktima.
Dugang pa hini nga samtang nagtitika-iha iton panahon in mas nagtitika-kuri naman iton pag identipika han mga lawas labi na nga 11-ka tuig na an nakalabay.
Samtang ginsisigurado naman han siyudad nga ginbubuhat nira iton tanan agud makikilal-an ngan maibabalik na an mga biktima ha mga kapamilya hini
