INTERNATIONAL – Ha butnga han tarhog an panibag-o nga airstrikes han Israel, yinukot-yukot Iranians a an nagkalilisang nga maka-eskapo para ira katalwasan.
Ha dagko nga mga syudad sugad han Tehran, makikita an hilaba nga linya hin mga sarakyan nga nandadadlagan paggawas ha kapital ngadto ha mga lugar nga hirani ha border han Turkiye.
Ha iba nga mga syudad han Iran sugad han Shiraz ha south-central nga Iran, nakalinya gihapon an mga awto ha mga gasolinahan. May-ada liwat mga sarakyan nga karga han mga pamilya ngan suplay nga tipakadto ha kaumhan, hirayo ha ginpupuntirya han Israel.
Nagpagawas na hin pahimatngon an militar han Israel nga nag-aaghat ha mga residente han Tehran nga mag-ebakwet dayon.
Samtang, nagtarhug naman an militar han Israel nga mag-ooperasyon hira ha Tehran ha masunod nga mga oras agud targeton an imprastraktura militar han rehimen han Iran.
An mga pag-atake han Israel ha kapital han Iran in kaparte han gintawag ni Israeli Prime Minister Benjamin Netanyahu nga “preemptive strike” kontra han sekreto nga programa han paghimo hin nuclear bomb han Iran, nga sumala hini nga an Tehran in mayda kapasidad nga makahimo hin 9 nga nuclear bombs, nga sumala naman han International Atomic Energy Agency (IAEA) nga usa nga pagtalapas i ha ilarum han nuclear non-proliferation treaty.
