Tacloban Filipino Chinese Chamber of Commerce, naghatag hin mga face masks ngan alcohol ha mga manirimba ha syudad
TACLOBAN CITY – Yinukot yukot nga mga indibidwal an nakatagamtam hin libre nga mga face masks ngan alcohol ha siyudad han Tacloban.
Ini in kataliwan han gindumara nga aktibidad han Tacloban Filipino Chinese Chamber of Commerce.
Sumala kan Jack Uy, presidente han Tacloban Filipino Chinese Chamber of Commerce, nga tag usa nga facemasks ngan alcohol an ira iginpanhatag ha mga manirimba ha Sacred Heart ngan Sto. Niño Church.
Ini nga ira pitad in nagpapanuyo nga makabulig ha publiko nga malikayan an pagkaada hin sakit labi na gud yana ha kabaraka han hulga han coronavirus disease 2019 o covid-19.
Mahinunumduman nga han nakalabay nga semana in nanhatag liwat hin relief goods an Tacloban Filipino Chinese Chamber of Commerce ha mga biktima han bagyong Ursula ha pira nga barangay han bungto han Basey, Samar.
Gintagaan pa hin duon ni Uy nga yana an panahon agud nga magburublig an tanan ngan diri maningabot ha publiko
