NATIONAL NEWS– Gintawag ni Department of Foreign Affairs (DFA) Secretary Ma. Theresa Lazaro nga kaparte han aringasa hiton demokrasya an pahayag han pira nga manbaralaod kasumpay ha isyu han West Philippine Sea (WPS).
Ginmalatumat ni Lazaro nga dire hiya magkokomento ha mga diskusyon nga ginhimo han mga manbaralaod, ngan gindig-unan hine nga pukos an DFA ha mga konkreto nga himangrawon han foreign policy.
Ine in ha butnga han mga kontrobersyal nga komento han pira nga opisyal ha WPS kalakip na an pahayag ni Sen. Rodante Marcoleta kanit ha Kalayaan Island Group, nga igindiwara naman han senador ngan ginpahayag nga sayop an interpretasyon.
Ha lain nga bahin, nanawagan naman hi Sen. Erwin Tulfo hin “ceasefire” ha nagin mapaso nga balyuay hiton pulong han mga opisyal han Pilipinas ngan China.
Gindig-unan naman han DFA nga angay maghimo an mga Chinese diplomats hin usa nga “professional manner” ha pagpapagawas han iya pamahayag kasumpay ha WPS.
