Gin aaghat han Women Entrepreneurs for Economic & Regional Advancement (WEERA) an publiko ilabi na an mga kababayen-an nga nagtatag-iya hin usa nga negosyo nga bumulig ug makiusa ha ira grupo.
An WEERA in usa nga inisyatibo tikang ha Network for Enterprising Women (N.E.W.), usa nga national organization ha nasud mga may panuyuan nga suportahan an mga women-owned micro, small, and medium enterprises ha nasud.
Panuyuan hini in agud magbug-os hin usa nga kumunidad hin mga negosyante nga kababayen-an ha rehiyon agud magkamay-ada an mga ini masasarigan ug makakaisturya pag abot ha ira journey kumo mga negosyante as they try nga mas maparibhong ug mapadako pa an ira mga negosyo.
Sumala kan Women Entrepreneurs for Economic & Regional Advancement (WEERA) President, Mitzi Sabando, an pag tikang han WEERA ha rehiyon in ginbibitbit an mga programa han N.E.W.’s ug an mga peer-driven approach ha regional level, pinaagi han paghihimo hin usa nga platform para ha women entrepreneurs ha Sinirangan Bisayas.
Kumo usa nga peer support network, an mga meyembro han WEERA in matatagan hin higayon agud ma access an mga programa, business information and resources, strategic linkages to policy makers ngan ha mga government agencies.
Labot la hini, gin lalauman gihapon nga mas dumamo pa an mga learnings han mga women entrepreneurs pinaagi han pagka-urusa ha mga women entrepreneurs nga an panuyuan in mas mag ribhong pa an hibaro kumo negosyante.
An mao nga pag-urusa in gin tambongan han subra 200 nga mga participants agud makiusa ha pag selibrar han Women’s Month kun diin , nag marka an nasabi nga aktibidad hin usa nga milestone para ha mga kababayen-an nga negosyante ha rehiyon mahitungod nga ini in magseserbi kumo regional support network han mga women entrepreneurs.
Nagtutuo naman hi Sabando nga kun damo an mga negosyante nga kababayen-an an magbuburubligay para ha ikauupay ug ikakaribhong han ira negosyo, dako an tyansa nga matagan hin aksyon an nga problema pag abot ha negosyo.
