Nagpagawas hin ikatulo nga global situation report an World Health Organization (WHO) kasumpay ha nagtitikaduro nga kasamok ha Middle East.
Subay ha report, bisan man mayda duha kasemana nga ceasefire ha Iran, nagpapabilin nga kritikal an kabutang han Lebanon ngan iba nga nasud ha rehiyon. Dumamo an mga pag-atake ha mga ospital, anubulansya, ngan health workers nga nadudurot hin dako nga danyos ha health system ngan pagralapas ha international humanitarian law.
Bisan man kun nagpapabilin nga madig-on an global supplay han medial commidities, nakukurian an pagdul-ong han humanitarian health supllies mahitungod ha airspace restrictions ngan nagtitikahitaas nga transportation costs.
Kalakip ha pangunahon nga hulga ha panlawas an trauma ngan injuries, pagkadelatar hin non-communicable disease care, limitado nga akses ha serbisyo nga panlawas para ha mga displace persons, hulga ha pagsarang han sakit ha mga shelters, ngan exposure ha radiological, nuclear, ngan industrial chemical risks.
Dugang pa hini, nagtitikaduro an panginahanglan ha mental health ngan psychosocila support mahitungod ha karahasan, displacement, ngan psychological distress.
Kumo baton, aktibo nga ginmamapa han WHO ngan mga kasugbong hini an health risks ha rehiyon, kalakip an epekto han population displacement ngan direkta nga pag-atake ha critical infrastructure.
Kalakip ha mga pitad an paghahatag hin teknikal nga suporta ha talwas nga pagmamangulo ha ubig, sanitation, at hygiene, pagtutok ha backup solutions para ha health facilities ha oras nga mawarayan hin enerhiya, pagpapakusog han immunization coverage, ngan pangandaman kontra ha disease outbreaks pinaagi han pre-positioning han medical supplies.
Padayon gihapon nga ginduduso han WHO an contingency planning agud masigurado an pagpadayon han essential health services, pagpapakusog han surveillance ngan early warning systems, ngan paghahatag hin giya ha trauma care, mental health, ngan psychosocial support.
Gintatagan-duon han organisasyon an importansya han pakikigsumnpayan ha mga kuminidad agud mabaton an ira panginahanglan samtang padayon nga nagtitikaduro an krisis.
