-- Advertisements --
TACLOBAN CITY — Nagdurot hin suspensiyon han klase ha 2 nga bungto han Biliran an waray hunong nga naeksperyensyahan nga pag inuran ha pira nga parte han sinirangang bisayas.
Pira naman nga mga lugar ngan sugad man skwelahan ha rehiyon an nakaeksperyensya hin pagbabaha.
Samtang, ginsagdun naman han Office of the Civil Defense (OCD-8) ha publiko nga maging mabinantayon bisan waray ginpahataas nga signal ha sinirangang bisayas.
Nahibaruan nga upod ha nagdeklara hin suspensiyon han klase kakulop an bungto han Naval ngan Almeria ha Biliran kakulop nga adlaw ha pre-school, elementary ngan sekondarya ha pribado ngan pambubliko nga mga skwelahan.
