NATIONAL NEWS– Gintaw-an la ni Vice President Sara Duterte an nagin pakiana ha iya kasumpay han pagkakatudlok kan Police Major General Nicolas Torre III kumo bag-o nga Philippine National Police (PNP) chief, kabalyo ni Gen. Rommel Marbil nga magreretiro ha Hunyo 7.
Samtang ginseselibrar han Bise Presidente an iya kaadlawon ha The Hague, Netherlands, kaupod an iya tatay nga hi anay Pangulong Rodrigo Duterte ginpahayag ni VP Duterte nga ine an iya maihahatag nga reaction an tumawa ha natatabo ha Pilipinas.
Manunumduman hi Torre, an presente nga direkto han Criminal Investigation and Detection Group (CIDG), nga nagin ground commander han police team nga nagdul-ong hin arrest warrant kontra kan anay PRRD kun diin presente nga nakapreso yana ha International Criminal Court (ICC) ha The Hague matungod ha ginkaka-atubang nga kaso nga crimes against humanity kasumpay han iya ‘war on drugs.’
