Nakagtirok hin P422.378 bilyon dida han Abril 2026 an Bureau of Internal Revenue (BIR), lapos ha target nga P12.776 bilyon o 3.12%.
Humitaas gihap an income han ahensya hin P551.11 milyon kumpara ha pareho nga bulan dida han nakalabay nga tuig.
Nagpadayon an makusog nga performance hini ha kaluyo han pagkakabalhin han deadline han Annual Income Tax Return (AITR) agud tagan hin mas hilaba nga panahon an mga taxpayer.
Sumala kan BIR Commissioner Charlito Martin R. Mendoza, ini in bunga han mas pinakusog nga kampanya ngan mas hitaas nga kumpiyansa han mga nagbabayad hin buwis.
Tikang han Enero kutob Abril 2026, umabot ha P1.155 trilyon an kabug-usan nga koleksyon han buhatan, mas hitaas hin P39.972 bilyon kuntra ha pareho nga panahon dida han 2025.
Samtang, nagtutuo an BIR nga aada ha sakto nga dalan an ira buhatan agud maabot an yearly revenue goal ug ginlalauman nga mas magigin positibo an koleksyon ha bulan han Mayo.
