METRO MANILA – Humangyo hi Vice President Sara Duterte ha Korte Suprema nga temporaryo undangan an nagpapadayon nga impeachment proceedings kontra ha iya.
Ha usa nga 58-page nga petisyon, ginhangyo han Bise Presidente an pag-isyu han temporary restraining order agud igpaundang an pagdungog han House justice committe.
Ginduon niya nga an proseso in usa nga pagtalapas ha konstitusyon ngan kinahanglan igdeklara nga “waray bisa”.
Dugang pa hini nga waray hiya natagan hin sakto nga due process agud madepensaran an kalugaringon.
Kaupod ha mga kaso kontra kan Duterte an sayop ngan dire sakto nga paggamit han confidential funds, dire sakto nga pagdedeklara han SALN, abuse of power ngan panarhog ha kinabuhi kan Presidente Ferdinand Marcos Jr.
Sugadman, ginmalatumat han Bise Presidente nga an mga ini in basar la ha mga haka-haka ngan waray kamatuoran ngan dire sakto agud matawag nga impeachable offenses.
Samtang, ginpanhimuwa naman han pira nga mga mambabalaud an mga alegasyon ni Duterte. Sumala ha ira, umagi ha insakto nga proseso an pag-refer han impeachment complaints ngan naabuyon ini ha Konstitusyon ngan ha mga aludayday.
