NATIONAL–Gin-anunsyo ni Vice President Sara Duterte nga madalagan hiya kumo Pangulo han nasud Pilipinas ha tiarabot nga election.
An anunsyo in ginpagwas ha butnga han mga kontrobersiya, kalakip an 3 nga impeachment complaints nga ginpasaka kontra ha iya ha Kamara, nga kontrolado han mga kaalyado ni Pangulong Ferdinand Marcos Jr.
Han mga nakalabay nga adlaw in ginlunsar ha Cebu an “Tatay Digong for Inday Sara Movement 2028” nga tumong igpakita an suporta ha iya kandidatura ngan pagduso ha pagmamangulo han iya tatay nga hi anay Pangulong Rodrigo Duterte.
Ha kaluyo han mga ayat, nagpapabilin nga hitaas an ngaran ni Duterte ha mga survey kumo usa ha mga frontrunners para han piniliay.
An iya kandidatura in ginlalaoman nga magdadara hin grabi nga ayat ha politika, labi na ha butnga han mga kaso nga ginkaka-atubangan han iya tatay ha International Criminal Court (ICC).
