Iginduduso ni Nueva Vizcaya Representative Timothy Joseph “Tim” Cayton an House Bill No. 9331 o panukala nga balaod nga matagan hin dugang nga suporta an mga empleyado ha gobyerno ha butnga han padayon nga paghitaas han presyo han pagkaon, pamasahe, kuryente, gasolina, gamot, ngan iba pa nga pangunahon nga panginahanglan.
Target han panukala nga amyendahan an Personnel Economic Relief Allowance (PERA) han mga empleyado han gobyerno ngan igpahitaas ini ha P9,000 kada bulan tikang ha presente nga P2,000.
Sakop han panukala an mga regular, casual, contractual, appointive, ngan elective government employees nga ada ha ilarom han Compensation and Position Classification Act.
Sumala kan Cayton, kinahanglan mapakusog an suporta para ha mga magturutdo, nurse, pulis, sundalo, empleyado han mga lokal nga pangobyernuhan ngan iba pa nga padayon nga nagseserbi ha nasud ha kaluyo han nagtitikahitaas nga gastuson ha kada adlaw.
