Kumusog an kontrobersiya kontra kan Reina Mercedes, Isabela Vice Mayor Atty. Harold Respicio mahuman magbul-iw hin pahayag nga nag-aaghat ha mga tagasuporta han pamilya Duterte nga andam igsakripisyo an ira kinabuhi.
Ha usa nga katitirok han Reform Alliance for Accountability, Good Governance, and Ethics (RAGE) Coalition dida han Sabado, Mayo 23, ginpakianhan ni Respecio an mga umatender kun andam an mga ini mamatay kadungan han pahayag nga “mamatay na tayong lahat,” nga dayun naman nakakuha hin kritisismo.
Syahan na gihapon nga nagbul-iw hin pahayag an bise-alkalde hin kaparehas nga pakianan ha usa nga rally dida han Mayo 9 ha Davao City, kun diin ginpakianhan niya an mga Duterte Supporters (DDS) kun andam hira magbuwis hin kinabuhi para kan Vice President Sara Duterte ngan kun andam an mga ini ha gintawag niya nga “rebolusyon.”
Gin malatumat gihapon ni Respecio ha nasabi nga katitirok nga hiya mismo in andam igsakripisyo an iya kinabuhi, ngan gin aghat an mga tagasuporta nga igpakita an ira pagdig-on.
Mahitungod hini, syahan na nga nagsalawad hin reklamo an Cybercrime Investigation and Coordinating Center (CICC) kontra ha bise-alkalde kasumpay ha mga kaso nga inciting to sedition ngan inciting to rebellion.
