Tutukan nala an pagpapahugot ha mga mapagmanipula ngan peke nga advertisement imbes nga pakurianpa an mga lehitimo nga negosyo.
Ini an suhestyon han usa nga magbabalaod ha plano nga Department Administrative Order han Department of Trade and Industry (DTI) nga mag-oobliga ha mga negosyo nga kumuha anay hin permit ugsa makagpagawas hin advertisement ngan sales promotions.
Sumala kan Sen. Bam Aquino, dugang nga pakuri ngan dugang nga gastos an panukala labi na para ha gudti nga negosyo ngan online sellers nga padayon pa ng nabakdaw ha hitaas nga presyo han lana ngan iba pa nga operation costs.
Ha ilarom han panukala, kinahanglan pa magsalawad hin aplikasyon an mga negosyo kutob ha 30-working days ugsa makagpagawas hin digital ads, sponsored posts, videos, billboards, ngan iba pa promotional materials.
Ha panahon daw han madagmit nga online marketing ngan digital selling, dire makatarungan nga papaghulaton hin usa kabulan an mga negosyante ugsa hira makag-promote han ira produkto ngan serbisyo.
