NATIONAL NEWS– Ginpahinumduman ni Vice President Sara Duterte an publiko kasumpay ha pagsunod ha balaod trapiko agud nga malikayan an bisan anu nga klase hiton aksidente ha kakarsadahan.
Ginhimo han bise an panawagan kasunod han mga naitatala nga paghitaas hiton ihap han mga aksidente ha kakarsadahan nga ginkakadabihan han motor vehicles, partikular na an natabo ha SCTEX ngan NAIA.
An nasabi nga mensahe in para ha Land Transportation Safety Month kun diin gindig-unan hiton bise nga kinahanglan nga magbinuligay an mga motorista , pribado nga sektor, ngan gobyerno para masigurado an ira katalwasan.
Dugang pa ni VP Sara , an road safety in dire la trabaho han mga enforcers ha kalsada.
Nanawagan gihapon ine ha mga pribado nga sektor nga siguraduhon nga ada ha maupay nga kondisyon an ira mga drivers ngan nagpailarom ine ha training ngan seminar.
