Nagpagawas hin pamahayag an International Criminal Court (ICC) kasumpay han impormasyon nga may-ada na arrest warrant kontra kan Senator Ronald “Bato” Dela Rosa.
Gin klaro han ICC nga waray pa public arrest warrant nga igin pagawas nga may-ada kalabutan ha Pilipinas.
Mahitungod hini, gin sagdunan han ICC an publiko nga manungog hin balita ha mga opisyal nga pahayagan ngan iwasan an pagpapakalat hin diri beripikado nga impormasyon tikang ha online.
Una na nga gin malatumat ni Interior Secretary Jonvic Remulla nga nag aandam na an mao nga departamento hin 10,000 nga task force para ha pag-aresto kan Dela Rosa kun gumawas an warrant of arrest tikang ha ICC.
Ha kaluyo hini, gin amin ni Remulla nga waray pa hiya nakakarawat nga bisan ano nga kopya hin arrest warrant tikang ha ICC.
Mababaruan nga hi Dela Rosa in nagserbi kumo PNP chief dida han panahon ni anay Pangulong Rodrigo Duterte ngan igin susumpay yana ha madugo nga war-on-drugs nga igin haon ha ICC.
