METRO MANILA – Dismayado hi Vice President Sara Duterte ha dire pag-aksyon han Senado ha expose han 18 nga mga sundalo nga anay tawo ni ex-Cong. Zaldy Co.
Ha ambush interview ha Davao City, ginmalatumat ni VP Sara nga waray ini ginkaibahan ha pagbaribad han administrasyon nga mapagbaton an mga aada ha likod han flood control scandal ngan ha korapsyon ha national budget ha tuig 2023, 2024, ngan 2025.
Mahitungod hini, lauman nga waray gihapon bubuhaton an gobyerno ha problema ha krisis ha lana.
Siyahan na nga ginbuyagyag han 18 nga mga Marines an daw ira pag-deliver han sobra P800 billion kanda Presidente Bongbong Marcos, anay House Speaker Martin Romualdez ngan pira nga kongresista nga pumirma ha impeachment complaint kontra ha Bise Presidente.
