Gin pili la anay nga dire igsapubliko ni Vice President Sara Duterte kun hin-o an iya magigin running mate para ha maabot nga national elections ha 2028.
Ha usa nga panayam ha Bise Presidente ha Davao City, ginmalatumat hini nga mayda na hiya nakaistorya dida han nakalabay nga tuig para magin iya bise ha 2028 elections pero dire pa daw ini naghahatag han iya desisyon kasumpay ha offer ni VP Sara.
Duon pa han bise, hulaton nala anay an magigin baton hini ha iya offer ngan dire la anay samukon agud malikayan na gihapon an mga political attacks kontra ha iya posible nga tandem.
Labot pa hini, ginkumpirma gihapon ni VP Sara nga upat nga indibidwal na an dumaop ha iya agud magin kaparte han senatorial slate niya para ha tiarabot nga eleksyon.
Samtang, waray naman maghatag hin klaro nga kwalipikasyon an bise para ha iya magigin senatorial candidates.
