Nagpahimatngun hi Commission on Elections Chairman George Garcia kontra ha mga kandidato nga madadabi ha premature campaigning para ha Barangay at Sangguniang Kabataan Elections nga maatubang ha kaangayan nga sirot.
Gineksplikar han Comelec chairman nga an mga magsusumite han ira kandidatura tikang Setyembre 28 kutob Oktubre 5 in igtutudlok nga mga kandidato ugsa pa man an pagtitikang han panahonhan pangangampaniya ha Oktubre 22, 2026, ha ilarum han manual election.
Ha automated elections naman, an mga aspirants in gintutudlok nga kandidato pa la ha pagtikang han panahon han kampaniya.
Sanglit, sumala kan Garcia, an mga kandidato nga magsusumite na han kandidatura ha Setyembre 28 kutob Oktubre 5 ngan makikit-an nga mangangampanya, in kakasuhan ngan prepresuhon hin usa kutob unom ka-tuig ngan diskwalipikasyon nga kumapot hin posisyon ha gobyerno.
