Ginpahayag ni Atty. Jimmy Bondoc, legal counsel ni Sen. Ronald “Bato” dela Rosa nga panuyuan nira nga malikayan an bisan ano nga sitwasyon nga posible magdurot hin kaparehas nga naeksperyensiyahan ni anay Presidente Rodrigo Duterte mahuman ini madakop ngan igdara ha kustodiya han International Criminal Court.
Sumala kan Bondoc, ginkikilala han ira kampo an arrest warrant han ICC kontra kan Dela Rosa, pero ginduon niya nga dire ini “enforceable” ha Pilipinas kutob nga die naagi ha insakto nga proseso.
Gintagan-duon gihapon ni Bondoc nga karuyag nira nga malikayan an posibilidad nga madakop ngan maipadara ha iba nga nasud an senador, sugad han nahitabo kan FPRRD dida han nakalabay nga tuig, han madakop hiya ha Ninoy Aquino International Airport ngan gindara ha The Hague, Netherlands.
Nagpahimatngun gihapon hi Bondoc nga kun igpipirt an pagsirbi han warrant, posible mawarayan hin legal nga pamaagi agud maibalik hi Dela Rosa ha nasud bisan man kun pumabor an Korte Suprema ha ira kampo.
