TACLOBAN CITY – Dead-on-arrival an usa nga biktima han pagdad-on ini ha ospital mahuman an natabo nga aksidente han usa nga motorsiklo ngan awto ha National Road han Sitio Awo, Brgy. Cantandoy, Palompon, Leyte dida han mga nakalabay nga adlaw.
Basar han imbestigasyon, nag-overtake ngan kumawat hin linya an motorsiklo ha ginsusundan hini nga awto nga kun diin, waray kapansin han drayber han motor an katapo liwat nga awto rason han pagbunggo-ay han duha hinungdan han pag-angkon hin kasamdan ha lawas han drayber han mao nga motor.
Dayon naman nga gindara ha kahirani nga ospital an biktima han mga rumesponde nga otoridad kun diin, pag-abot liwat hini ha Ormoc District Hopsital ha siyudad han Ormoc in gindeklara na ini nga dead-on-arrival.
Samtang, nag-angkon naman hin minor nga kasamdan an duha nga sakay han awto.
Ha pagkayana in dindara an duha nga behikulo han Palompon Municipal Police Station agud magdumara hin imbestigasyon an mga otoridad hiunong han panhitabo.
