-- Advertisements --
TACLOBAN CITY- Patay an usa nga miyembro ha LGBT mahuman nga maghikog ha sakob han ira panimalay ha Barangay Looc, Cabucgayan Biliran.
Ginkilala an biktima kan Alvin Apolinar , 32-anyos an pangidaron may ka live-in partner ngan residente han mao nga barangay.
Sumala kan PCpl. Rolly Grateja, Duty Investigator Cabucgayan MPS nga waray na kinabuhi an biktima han makit-an ini han iya pamilya ha sulod han iya kwarto nga nakabitay pinaagi han pagbigti hin pisi.
Subay ha imbestigasyon han mga kapulisan an mao nga biktima in nakaka-experyensya hin depresyon tungod han ginkakaatubang nga magkadurudilain nga problema.
Nabaruan nga nag inom liwat anay an biktima ugsa ini nga magpakamatay.
