TACLOBAN CITY – Nag-awat han iya kalugaringon kinabuhi an usa nga mason mahuman nga magkonsumisyon tungod han pagdakop ha iya han mga otoridad han Land Transportation Office.
Basar hiton imbestigasyon han mga otoridad, nga daw waray na kinabuhi an waray ngarani nga biktima han makit-an ini han katrabaho hini ha construction ha barracks han ira site ha Marasbaras, Tacloban dida han kaagahon han mga nakalabay nga adlaw.
Sumala han mga katrabaho hini nga gingagamit pan adlaw-adlaw nga service tikang Burauen, Leyte tipakadi Tacloban City han biktima an iya motor kun diin, nasita ngan nadakop ini ha gindumara nga checkpoint han LTO ha Palo, Leyte.
Matungod nga brand-new an mao nga motor in waray ini kaangayan nga dokumento rason han pagka-impound hini.
Ginkikita nga maabot ha P18,000 an kantidad han paglukat han mao nga motor kun diin, daw mas dako pa ini kaysa han downpayment ngan binulan nga baraydan han biktima rason han duro nga pagkonsumisyon hini.
Samtang, dayon naman nga nagdumara hin imbestigasyon an mga otoridad han SOCO kun diin, ginkikita nga waray natabo nga foul play ha nasabi nga insidente.
