ODD NEWS– Sigurado nga malilipay an mga mahilig ha misay matungod ha usa nga bag-o nga imbensyon nga tikang ha London.
Mababaruan nga pinaagi mangud ha usa nga high- tech nga collar nga Catterbox in mahihimo na han mga misay nga makagyakan nga baga-baga hin usa nga tawo.
Ginkikinahanglan la nga igsul-ot an Catterbox ha liog hiton misay, ngan nade-detect hini an meow han misay nga asya naman an gintratranscribe ha ingles agud nga maintindihan han tag-iya an karuyag sidngon han iya alaga nga misay.
An mao nga gadget in may sulod nga interpretasyon ha kada klase han meow han misay, sanglit nga posible na nga kahimangrawon an mga kamisayan nga mayda sul-ot han Catterbox.
Ha kaluyo nga bahin in mayda ginhimo nga pag-aram maypaghisumpay ha karuyag sidngon nga mga meow han mga kamisayan ngan posible nga diri sakto an iba nga interpretasyon han Catterbox, pero diri naman maididiwara nga maupay ini nga gamiton ilabi na nga gintatagan ini hin British accent an mga misay samtang nga nakikipaghimangraw ha tawo.
