-- Advertisements --
ODD–Tumalikod na ha kadayunan hi Manoel Angelim Dino, usa ha mag-asawa nga gintudlok han Guinness Worlds Records nga ‘world’s longest-married couple ‘different sexes category’ upod han iya asawa nga hi Maria de Saousa Dino.
Sumala ha LongeviQuest tumalikod ini han ika 20 han Oktubre ha edad nga 106 ngan 95 days.
Gin-anunsyo han Guiness han Pebrero nga nakuha nira an mao nga record nga may 84 ka tuig ngan 77 ka adlaw nga pagigin kasal.
Mababaruan nga nagkita an mga ine han tuig 1936 ngan nagpakasal han tuig 1940.
Pahayag naman ni Maria nga an sekreto ha ira maiha nga relasyon an simple ngan malipayon nga paghigugma-ay.
