INTERNATIONAL – Nagpatuman hin bag-o nga sirot an Estados Unidos ha 22 nga kumpanya nga tikang ha Hong Kong, United Arab Emirates, ngan Turkey.
Ini in mahitungod ha pagbulig han mga nasabi nga nasud pinaagi ha pagbabaligya hin lana ha Iran.
Subay ha U.S. Treasury Department, nagawas nga an mga halin tikang ha pagbaligya han lana in nangangadto ha Islamic Revolutionary Guard Corps-Quds Force.
An nasabi nga pwersa in kilala nga gamhanan nga unit han paramilitary han Iran ngan gintutudlok han Amerika kumo terorista nga grupo.
Dugang pa hini, gintutu-ohan nga gingagamit han Quds Force an mga front companies ngan offshore accounts para igbalhin an milyones dolyares agud malikyan an sirot tikang ha Estados Unidos.
Gintudlok gihapon han U.S. Treasury nga gingagamit han Iran an mao nga salapi para pondohan an mga weapon programs ngan proxy groups ha rehiyon.
Sumala naman kan U.S. Treasury Secretary Scott Bessent, an Iran in naglala-om ha shadow banking system agud pondohan an ira mga programa nga may kalabotan ha nuclear ngan ballistic missiles.
