INTERNATIONAL – Nagdugang hin taripa hi US President Donald Trump ha mga pangunahon nga partners han United States maypaghisumpay ha trades sugad hiton Canada, Mexico, ngan China, sumala ha ginpagawas nga pahayag han White House.
An mga export tikang ha Canada ngan Mexico pakadto ha Estados Unidos in papasakahan hin 25% nga taripa kun diin nakatalaan ini magtikang yana nga tiaarabot nga Martes.
An mga trades naman tikang ha China, nga presente may mga taripa na in makakaeksperyensiya hin kadugangan pa nga 10% nga taripa sumala ha White House.
Samtang, panuyuan naman hini in agud pagbatonon an tulo nga nasud para ha ira patapud nga ira pupugngan an mga illegal immigration ngan an pagsasarang han iligal nga droga.
Yana naman nga semana in ginlalauman nga mapasaka an US hin mga taripa ha mga nasud ha European Union.
Mapasaka gihapon an US hin taripa ha mga semiconductor, bakal, aluminum, pati na gihapon ha krudo ngan gas.
