MAYDOLONG, EASTERN SAMAR – Nagpositibo ha ginbuhat nga paraffin test an patay nga lawas han pulis nga natad-an ha ligid han dagat ha Brgy. Omawas, Maydolong, Eastern Samar.
Ini in kasumpay han ginbuhat nga imbestigasyon han mga operatiba han SOCO kun diin positibo nga gingamit ini an iya issued service firearm basar na gihapon ha natad-an nga gunpowder residue nga kadaras-an nakikit-an ha kamot han usa nga nagpabuto hin pusil.
Manunumduman nga natad-an an biktima nga mayda igo hin pusil ha tu-o nga parte han ulo hini ngan rekober ha insidente an usa nga caliber .45 nga pusil ngan an basiyo hini.
An biktima in usa nga Police Corporal, 30-anyos an pangidaron, ngan residente han Brgy. Maybocog, Maydolong, Eastern Samar kun diin, nakit-an an patay nga lawas hini han usa nga paru-pangisda han nasabi nga lugar.
Gin-aalegar nga nag-awat an biktima han iya kinabuhi pero waray naman mag hatag pa hin kadugangan nga detalye an mga kapulisan
