Ginlalauman nga maabot ha unom ngada ha 14 nga bagyo an masulod ha Philippine Area of Responsibility tikang hiton Marso kutob Agosto, kadungan han ginlalauman nga paghinay han La Niña yana nga tikaharani na an katsirak.
Subay ha state weather bureau, presente pa nga nae-eskperyensyahan an epekto han La Niña pero tikadto na an nasud ha ENSO-neutral conditions.
Ha nahitabo nga 193rd Climate Forum, igin eksplikar ni state weather bureau Climate Monitoring and Prediction Section chief Dr. Joseph Basconcillo nga nagpapabilin la gihapon an La Niña ha tropical Pacific.
An ENSO-neutral in natudlok ha sitwasyon kun diin waray nagpapadayon nga La Niña o El Niño.
Ugsa magin normal an pag-uran resulta han southwest monsoon o Habagat pag-abot han Hunyo, makaka-eskperyensya anay an dako nga parte han Luzon hin mas damo nga dry days.
Ginbabana-bana gihapon nga mahitaas an temperatura ha nasud.
Pahimatngon han ahensya, posible nga umabot an kadamok ha Metro Manila ha 37.5°C ha bulan han Abril, samtang posible naman ini umabot ha 39.9°C ha Northern Luzon.
Gin aghat naman han ahensya na publiko nga padayon nga maghulat han ira mga advisories samtang nagbabag-o an kabutang han panahon.
