TACLOBAN CITY- Padayon nga guinpapadulot han Department of Interior and Local Government (DILG) Regional Office 8 an unod han pederalismo nga klase hin panggobyernuhan ha bug-os nga Sinirangan Bisayas.
Sumala kan Joseph Myles Colasito, Information Officer han DILG 8 nga padayon an pagdumara hini hin harampang ha buru-baranggay agud maipasabot ha kada tagsa kun ano an benepisyo ha komunidad kun igpatuman an pederalismo habug-os nga nasud Pilipinas.
Dugang pa ni Colasito nga diri la yana nga tuig 2017 an katubtuban han information dessimination ha sobra kwatro mil nga barangay ha Rehiyon 8.
Mababaruan nga gawas la han huruharampang, nagpawas guihapon an DILG hin mga flyers ha mga pampubliko nga lugar.
An kaparte han pamahayag ni Joseph Myles Colasito, Information Officer han Department of Interior and Local Government (DILG) Regional Office 8
Manunumduman nga usa han kampanya ni Presidente Rodrigo Roa Duterte nga maipatuman an pederalsimo nga porma hin panggobyernuhan ha nasud Pilipinas.
