-- Advertisements --
NATIONAL– Nakatalaan nga kuhaon an mga benepesaryo han Tulong Panghanapbuhay sa Ating Disadvantaged/Displaced (TUPAD) para bumulig ha Kadiwa Centers ha bug-os nga nasud.
Kasunod ine han ginpahaluag nga pagbabaligya han P20 kada kilo hiton bugas ha mga Kadiwa Centers kutob ha tuig 2026.
Ginpahayag ni Agriculture Secretary Francisco Tiu Laurel Jr. nga nakigsumpayan na hira ha Department of Labor and Employment (DOLE) kun pati-unano hira magbubutang hin mga tinaglawas ha kada KADIWA center.
Nagdumara na gihapon hira hin pirmahay hin Memorandum of Agreement kasumpay ha nasabi nga himangrawon.
Dugang naman ni Labor Secretary Bienvenido Laguesma nga ira ginkwe-kwenta an ihap han mga TUPAD Workers nga posible igbutang ha mga KADIWA Centers.
