NATIONAL – Arestado han National Bureau of Investigation an tulo nga Chinese national ha syudad han Parañaque mahitungod ha Kidnapping ngan serious illgeal detention.
Subay ha impormasyon han opisuna, nagtikang an kaso kasunod han makakarawat hin reklamo an NBI-Cybercrime Division mahitungod ha daw ilegal nga pagkakapreso ngan piritay nga ginpapagtrabaho nira Zou Tao, Jin Cai, ngan Junying Lyu an biktima.
Mahitungod hine nagdumara hin rescue operation ha pakig binuligay han Philippine National Police, City Prosecutor’s Office, barangay, condominium’s security management, ngan mga tawuhan han NBI tikadto han lokasyon han nagsumat.
Positibo naman nga ginkilala han biktima an nasabi nga tulo nga indibidwal kumo responsable ha gindumara nga ilegal nga pagkakapreso.
