ODD – Usa nga train enthusiast ha China an nakaghipatik hin world record mahuman nga bumiyahe ha tran hin haors 6,000 kilometro ha sulod na han 24 oras, rason agud makab-ot hine an Guinness World Record para ha “Greatest distance travelled by train in 24 hours”.
Hi Wang Dong, nga kilala online kumo “Transfer Emperor”, in nagbiyahe tikang ha Shenzhen tikadto ha Yibin hadton February 15, 2025. Umagi ine ha mga syudad sugad han Beijing, Shanghai, Zhengzhou, ngan Guiyang, nga umabot ha kabug-usan nga 5,887.76 kilometro.
Dire nagin madali an pagbiyahe ni Wang Dong mahitungod nga kinahanglan ine pag-agian hin maupay an mga ruta nga kondisyon han iya lawas. Mahuman mapakyas ha syahan nga record attempt dida han 2024 mahitungod ha bagyo, utro ine nga nagprubar yana nga tuig nga mayda mas mahugot nga pangandaman, kaupod an pag-iiban hin timbang agud mapabilin an iya resistensya.
Usa ha pinakakritikal nga parte han iya biyahe in an madagmit nga pag-transfer han linya han tren ha Beijing kun diin mayda la hiya 31 minutos nga pagitan para bumalhin hin istasyon.
Ha kaluyo han mga ayat, malinampuson hine nga nahuman an pagbiyahe hin mayda nasasalin nga 40 segundos la ugsa mahuman an gintalaan nga 24 oras.
Para kan Wang Dong, dire la simple nga record an iya nakab-ot kin din usa nga espsyal nga paagi agud maghatag hin pagkilala ha iya hilig ha mga tren nga nagtikang dida han bata pa hiya.
