TACLOBAN CITY – Sumurender ha mga otoridad an usa nga Top leader han New People’s Army (NPA) ngan maabot ha 20 nga mga supporters han NPA ha bungto han Burauen, Leyte.
Sumala kan Lt. Col. Rolando Oba-ob, Commanding Officer 78th IB nga dako nga kawarayan para ha mga rebelde nga NPA an sumurender nga ira top leader labi na nga usa ini nga vice commander ngan nakapot han financial department.
Napiritan nga sumurender an mao nga top NPA official mahitungod na gihapon daw han kakuri han ira panginabuhi ha bukid.
Ginsurrender hini an iya .45 kalire nga pistola.
Samtang, kaupod gihapon ha mga naaghat nga sumurender an 20 pa nga mga NPA supporters.
Sumala kan Oba-ob, ha atubangan mismo han municipal mayor han Burauen, Leyte in nagpatapod an mga ini nga uundangan na an pagsuporta ha walhon nga grupo.
Nahibaruan nga kadam-an naman ha mga sumurender nga NPA supporter in ada ha 20 anyos tipaubos.
