TACLOBAN CITY – Nagpapadayon an paghingayad han Traffic Operations Management Enforcement and Control Office (TOMECO) han mga traffic lights ha bug-os nga syudad han Tacloban.
Ini in kasunod han target han TOMECO nga masiguro nga fully operational an tanan han mga traffic lights ha syudad san-o pa man magtikang an klase yana nga maabot nga Agosto 22.
Sumala kan Jobs Lagutan, head han TOMECO Traffic Engineering and Facilities Management Division, ha pagkayana in regular an ginbubuhat nga paglilibot han ira mga maintenance crew agud nga masiguro nga ayad ngan nagana hin maupay an mga traffic lights.
Partikular nga ira gintutukan an traffic lights ha may Calanipawan- Romualdez avenue nga masukot magkaada hiton problema.
Nagtutuo naman an TOMECO nga dako an bulig han mga traffic lights agud nga masiguro an katalwasan han mga estudyante labi na yana nga nakatalaan an pagpatuman han full face to face classes ha nasud.
