TACLOBAN CITY– Ginpahibaro han Traffic Operations, Management, Enforcement and Control Office TOMECO, nga mas nagin mahugot an ira pagbabantay ha kada eskinita hiton syudad.
Sumala kan Jobs Lagutan, Chief Enforcement Operation Division TOMECO, nga an nasabi nga pitad in alinsunod na gihapon ha pagdudumaraon nga kapatrunan, ha lain nga bahin gintagan gihapon hine hin duon nga kun mahihimo in parupadayon nga magkamayda hin mahimyang nga dalagan hiton trapiko, ngan mapadulot ha mga motorista nga magin reponsable ha paggamit hiton karsada, ngan sumunod ha mga ginpapatuman nga aludayday hiton ira buhatan.
Ginmalatumat pa hine, an kasumpay naman ha mga gintanggal nga mga signages, in alinsunod naman ha ira pagdudumaraon nga
Standardize Traffic Signs, o pagbag-o han mga singages agud nga mas maintindihan pa ine han mga gumaramit hiton karsada.
Dugang pa han mao nga opisyal, nga yana nga maabot nga Hunyo 15, 2024 titikangan nga ibanan an mga nagbabaligya nga vendor ha ligid hiton grand hotel nga dapit hiton syudad, ine naman in agud nga makaghatag hin lugar ha mga sarakyan, ngan iba pa nga mga karuyag gumamit han nasabi nga kalsada.
