TACLOBAN CITY–Ginpahyag han Traffic Operation Management Enforcment and Control Office (TOMECO) Tacloban an ira mga pangandam para ha igbubuhat nga gios-protesta yana nga ika 30 han Nobyembre.
Sumala kan Restituto Reglos, Operation and Enforcement han TOMECO nga nakig-koordinar na ha ira opisina an grupo nga Oriang nga tagaon hira hin permit, pero diri na ini kinahanglan kun bubuhaton an aktibidad ha Freedom Park. basta maupay an pagdara han ira peaceful assembly.
Ginmalatumat naman ni Reglos nga kun makakaulang an mao nga grupo ha trapiko, idi-disperse hira pero kiktaon anay nira kun tolerable pa an area han ira assembly.
Dugang pa ni Reglos nga pwede pa siguro kun maabot ini ha sidewalk o ha kalsada basta dire sugad ka damo an katawhan.
Samtang, nanawagan naman hiya ha mga makikiurasa nga dire makapermisyo ngan sumunod ha llimitasyon.
