TACLOBAN CITY– Nakapag-augment hin maabot 775 nga mga kapulisan ha bug-os nga probinsya hiton Leyte, an han-ay hiton Leyte Police Provincial Office (LPPO-8), kasumpay na gihapon ha syahan nga adlaw han filing hiton Certificate of Candidacy (COC), para hiton 2025 Midterm Election.
Sumala kan PCpt. Hazel Vacal, Information Officer, Leyte Police Provincial Office, an nasabi nga pitad in agud nga mamintinar an kahimyang ngan seguridad ha pagsalawad hiton kandidatura han mga aspirants candidates.
Dugang pa hine, nga maabot gihapon ha 129 nga mga kapulisan, an ginpasarang ha 3rd district hiton Leyte, ngan posible pa ine madugangan ha mga masunod nga adlaw.
Ginmalatumat pa ni Vacal, nga an nasabi nga mga tinaglawas hiton kapulisan nga nagpaka-assign ha ira mga mandato nga lugar, in ma-duty kutob na hiton adlaw han piniliay.
Mababaruan maabot ha 119 nga area hiton COMELEC offices, an ginbabantayan yana hiton kapulisan han Leyte Police Provincial Office (LPPO-8) ha bug-os nga Leyte.
