TANAUAN, LEYTE – Iginkalipay ni Solana Logistics Services Owner, Pel Tecson an anunsyo nga rollback han Department of Energy ha produkto nga lana para buwas nga adlaw, Abril 14.
Dugang pa hini, maupay ini nga sumat kun diin ha sulod han haros unom kasemana in magkakamay-ada na hin adjustment ha presyo han lana, resulta manggud han kasamok ha Middle East an tigdaay nga pag-umento han produkto nga lana ha apektado nga nasud kaupod na an Pilipinas.
Ginmalatumat gihapon ni Tecson nga ini nga pag-rollback in epekto han duha kasemana nga ceasefire ha butnga han Iran ngan Estados Unidos.
Ha kaluyo hini, ginpahayag ni Tecson nga makuri pa mahibalik an tag-P60 nga presyo han produkto nga lana mahitungod han nagpapadayon la gihapon nga away ha butnga han duha nga nasud.
Mababaruan nga ha kahuhuman la nga paghampang han duha nga nasud ha Islamabad, Pakistan in waray magkasabot an mga ini han ira mga nga iginlatag.
Kasumpay han pagpatuman han rollback ha adlaw hiton Martes, Abril 14, gin malatumat ni Tecson nga bisan kun mag-iban ini hin P20 in dire la gihapon ini dako nga iban mahitungod nga an presyo hini in ada la gihapon sobra P100, labi na ha presyo han diesel.
Ha lain nga bahin, magkakamay-ada naman hin rollback buwas nga adlaw kun diin ginlalauman an P23 nga iban ha diesel, P6.50 ha gasolina, ngan P11.50 naman ha kerosene.
