METRO MANILA – Ginsumite na han Malakanyang ha National Bureau of Investigation an pag-iimbestigar ha ginbuyagyag ni self-confessed aide Ramil Madriaga kasumpay han pagprubar nga pagpatay ngan plano nga pagpapa-talsik kan Presidente Ferdinand Marcos Jr.
Ha pagdungog han Kamara, ginbuyagyag ni Madriaga an daw kasarabutan ha butnga han kampo han Marcos ngan Duterte nga mabul-iw ha puwesto an presidente pag-ulpot han 2025, o kun dire in puwersahay nga papaiwason ini.
Pero sumala kan Palace Press Officer Claire Castro, dire na bag-o an sugad nga mga panarhog ha kinabuhi han presidente.
Ginduon ni Castro, nga nakalasan an presidente ha alegasyon nga napagsabutan nga mabul-iw hiya ha puwesto.
Kasumpay naman han panawagan ni Senador Imee Marcos nga ig-tadong an mga sayop nga pahayag ngan an alegasyon nga gingamit la hi Madriaga han mga pulitiko, ginmalatumat han Palasyo nga importante gihapon nga mabatian an kampo han tanan nga testigo ngan pabay-an gumawas an kamatuoran ugsa maghusga kun hain an tinuod ngan dire.
