METRO MANILA – Natuo hi Bicol Saro Partylist Rep. Terru Ridon nga dire laanay kinahanglan igbalhin ha kostudiya han Kamara hi Ramil Madriaga tikang ha presente nga pagkakadetene ha Bureau of Jail Management and Penology (BJMP) ha Camp Bagong Diwa, Taguig City.
Ini in kun warya niya kadugangan pa nga pakiana an komite kan Madriaga samtang gintutuhay gihapon an sumpayan ha butnga han BJMP ngan han Kamara, ha bulig han korte nga may sakop ha kaso hini.
Siyahan na nga ginhangyo han pira nga miyembro han House Justice Committe nga igbalhin an kostudiya ni Madriaga ha House mahitungod na gihapon ha tarhog ha kinabuhi hini.
Samtang, waray gihapon gintanggal han House Justice Committee an utro nga pagpapatawag kan Madriaga ha mga masunod pa nga pagdungog han panel ha duha nga nabibilin nga complaint.
Sumala naman kan Ridon, kun mayda pa mga pamakiana an iba nga miyembro han Kamara in puydi la hangyo-on ha korte nga utro tugotan hi Madriaga nga magin resource person ha panel.
