ODD – Nagpabilib an kilala nga YouTuber nga hi Lily Hevesh, mas kilala kumo Hevesh5, mahuman nga makipag-collaborate ha usa nga grupo han magkarit nga domino artists para magtindo hin pinakahitaas nga domino tower ha bug-os nga kalibutan.
Nahitabo an makasaysayanon nga record attempt ha National Building Museum ha Washington D.C., kun diin inabot hin lima kaadlaw ugsa mabug-os an tore nga umabot ha kahitaas nga 10.128 meters nga kaparehas han usa nga three-storey building o poste han kuryente.
Kaupod ha grupo ni Lily an mga eksperto tikang ha United States, Netherlands, Belgium, ngan Germany. Ha kada butang han domino, mas nagin makuri ngan delikado an trabaho mahitungod nga usa la nga sayop in posible nga magparik bug-os nga istraktura.
Ha kaluyo han pira nga aberya ngan igbusay nga paglaprak han pira nga parte, nagdesisyon an team nga magpadayon. Han maibutang an urhi nga domino, nagrayhak an mga magkirita ngan naghangkupay an grupo ha kalipay.
Kumo selebrasyon, gin itsa han mga ine an usa nga stuffed toy nga squirrel ha tuktok han tore nga domino ugsa ine palaprakon.
Opisyal naman nga ginkilala han Guinness World Records an ira obra kumo “Tallest domino structure”.
