TACLOBAN CITY– Padayon an ginhihimo nga assestment han Tacloban City Police Office (TCPO) ha bug-os nga syudad hiton Tacloban.
Sumala kan PLt. Ronabeth De Paz , Information Officer Tacloban City Police Office, ira ginpapasalamat nga waray dako nga danyos an ginbayaan han bagyong Tino ha Tacloban, waray gihapon hira may naitala nga mga dire ginlalauman nga insidente.
Kanit hine, nagpasarang gihapon hira hin mga tinaglawas ha mga dagko nga malls hiton Tacloban, agud nga magbantay inkaso dumuro an kakusog han bagyo ngan maguba an mga ine ngan magresulta hiton pangawat.
Ginpaangbit pa hine nga ka-kulop nga adlaw, usa ha ira ginpukusan an pag-asister han mga pamilya nga mapakadto ha mga evacuation center, ngan siguraduhon nga magigin talwas an mga ine.
Dugang pa ni De Paz, kanina naman hiton aga, in nagdumara hira hin clearing operation han pira nga mga sanga hiton puno nga nagkababari matungod han makusog nga hangin nga dara ni bagyong Tino.
Padayon naman nga naiibanan na iton ihap han mga nag-evacuate ha mga evacuation center, kun diin yana nga mga kaorason in posible nga nakapanguli na an ngatanan ha ira mga panimalay.
