TACLOBAN CITY – Ginpahibaro han Tacloban City Police Office TCPO, nga usa nga fake news an nagsasarang nga hulga han seguridad han pira nga mga malls ngan establisyemento ha syudad.
Sumala kan PMAJ. Marjorie Manuta, Information Officer han TCPO, nga dayon nagpadara hin mga tinaglawas han kapulisan ha nasabi nga mall, kun diin
Dugang pa han mao nga opisyal, nga an sugad nga mga report ilabi na ha social media in dire ginpapalangpos han ira buhatan ngan dayon ine nira nga gintatagan hin aksyon.
Subay ha ira gindumara nga imbestigasyon, nga kanit ine han nagsarang gihapon nga fake news han tuig 2019, kun diin parehas nga mensahe an ginpasarang hine ha social media nga may kalabutan ha mga gin-aalegar nga walhon nga grupo.
Naghangyo naman an buhatan han TCPO, nga ig-undang na an pagpapasarang han nasabi nga impormasyon matungod nga nakakaghatag la ine hin kagupong ha publiko nagn waray naman ine ginpapatamakan nga kamatuoran.
Ginsigurado naman han mao nga opisyal, nga talwas an seguridad han bug-os nga syudad han Tacloban.
